مجنون زعلاااااااتك ....

.. مجنون زعلاتك ..

تزعـل واراضيـك واتلـذذ بتزعيلـك
تبي الصراحه انـا مجنـون زعلاتـك

لا قمـت تبعـد وأنا اقـرب وادنيلـك
وامسك طرف غترتي وامش دمعاتـك

وتبدي تعاتب وأنا كـل انتباهـي لـك
ما اسمعك شتقول أنا عيني على شفاتك

وتعيد حجيـك وتفـرك حيـل منديلـك
وتخالطـت صـادق حروفـك بوناتـك

وأحاول أرضيك ومدري منيـن ابديلـك
واحتار وأذكرك فـي بعـض زلاتـك

واسمعـك ماكتبتـه بـك واغنيـلـك
طاروقك اللي تحبـه واكسـر سكاتـك

واستسمحك واعذرك واسمعك واشكيلك
واتلهـف لبسمتـك ورد ضحكـاتـك

يسرقني الوقت ولا يمدينـي احجيلـك
كـلام اللـي تحفظـتـه لشوفـاتـك

وقت الوعد فـات وعيونـي تراعيلـك
وقفيـت واشغلـت القلـب بلتفـاتـك

عيني على خطوتك والقلـب يدعيلـك
الله يحفظـك مـن الحاسـد وشماتـك

تزعـل واراضيـك واتلـذذ بتزعيلـك
تبي الصراحه انا اعشق كـل حالاتـك

.. للشاعر حمد السعيد ..

مج

رائعه من روائع الشاعر حمد السعيد

اتحفتينا فيها الف شكر لك اختي

تقبلي مروري