أكبر قهر لاجيت تعشقلك انسان

أكبر قهر لا جيت تعشقلـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ما كان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك

وإن كنت فيما قلت مخطي وغلطـان
أترك خطانا وأنـت عطنـا صوابـك
ice qween

عدد الرسائل : 32 تاريخ التسجيل : 19/06/2008

صح لسانك فديتك

يسلمووووووــــو
وتقبلي مروري يا الغالية

اكبر قهر شوفت وليفك مع الغير

يضحك ويعطي مثل ما كان يعطيك

لا تقدر اترده ولا معـــــــــــك تدبير

وعندك خبر عقب الغــــلا ما يدانيك

_____________________

أتحفتينا برائعة من روائعك

ارق تحيه والى الامام

يعطيكم العافية
على مروركم
ربي لا يحرمني طلتكم

» وش تسوي لوعشقت انسان ماهو من نصيبك!